சிட்டுக் குருவிகள் பல
வட்டமிட்ட இடத்தில்
கட்டிடங்கள் மட்டும்
கூட்டம் கூட்டமாய்...
இலக்கியங்கள் யாவையும்
இலைகளில் இயற்றிய இனமின்று
கிறுக்கிப் பார்க்கும் தாள்களுக்காய்
கிளைகள் பல ஒடிக்கின்றோம்.
கதவு மேசை நாற்காலி
கைத்தடி காகிதம் கட்டிலென
வெட்டும் தேவையோ தீராது
வேறென்ன செய்வது சிந்திப்போம்.
இப்படியோர் சட்டம்
இயற்றினால் என்ன ?
"இருமரம் நட்டபின்
ஒருமரம் வெட்டலாம்!"
கணிணியில் கவியெழுதிக்
கதவைத் திறந்தால்
இணையக் கம்பியில்
இருகுயில் கண்டேன்.
வனமெல்லாம் பொலிவிழந்து
பணமாகிப் போனதனால்
கட்டிடத்தில் வசிக்கிறதோ
கானம் மறந்த குயிலின்று....
28 comments:
மிகவும் தேவையான விஷயம். இருக்கும் மரங்களை எல்லாம் வெட்டிவிட்டால் பறவைகள் கூடு கட்ட எங்கே போகும்? நல்ல கவிதை பகிர்வுக்கு நன்றி நண்பரே.
//கானம் மறந்த குயில்//
:(
//இருமரம் நட்டபின்
ஒருமரம் வெட்டலாம்!//
இதையாவது செய்வோம் நாம்..
//இருமரம் நட்டபின்
ஒருமரம் வெட்டலாம்!"//
இருமரம் நட்டதாய் கணக்கு காமித்து இருக்கும் மரத்தை அளிப்பார் ..
நல்ல விஷயத்தை கவியாய் சொல்லி இருக்கிறீர்கள்
வனமெல்லாம் பொலிவிழந்து
தனமாகிப் போனதனால்
கட்டிடத்தில் வசிக்கிறதோ
கானம் மறந்த குயிலின்று....
...... சரியாக சொல்லி இருக்கிறீர்கள்.
//இப்படியோர் சட்டம்
இயற்றினால் என்ன ?
"இருமரம் நட்டபின்
ஒருமரம் வெட்டலாம்!"/
ஆஹா , ரொம்ப அருமையான சிந்திக்க வேண்டிய கவிதை அண்ணா ..!
சிந்திக்க வைக்கும் கவிதையாய் இருந்தது. நன்றி.
இயற்கை அழிந்துகொண்டிருப்பது மிகவும் மிகவும் வேதனையான விஷயம்.ஆனால் திருத்த வழி !
//இப்படியோர் சட்டம்
இயற்றினால் என்ன ?
"இருமரம் நட்டபின்
ஒருமரம் வெட்டலாம்!"//
இந்த சட்டம் எனக்கு மிகவும் பிடித்திருக்கிறது..!!
ரொம்ப நல்லா இருக்கு.. கவிதையை மிகவும் ரசித்தேன்..!!
//வனமெல்லாம் பொலிவிழந்து
தனமாகிப் போனதனால்
கட்டிடத்தில் வசிக்கிறதோ
கானம் மறந்த குயிலின்று....
//
அருமை
யோசிக்க வைத்த கவிதை
அருமையான கவிதை. படிச்சவுடன் சுருக்குன்னு இருந்துச்சி. செல்போன் டவர் வந்ததுலேர்ந்து குருவி இனமே அழிஞ்சிருச்சி. போன வாரம் வண்டலூர் ஜூ போயிருந்தேன்...ரொம்ப சங்கடமாப் போச்சி. இனி அடுத்த தலைமுறைக்கு எல்லாத்தயும் புகைப்படமாத்தேன் காமிக்கனும் போல.நன்றி.
@ வெங்கட் நாகராஜ் : ஆமாங்க...காடுகளை அழித்துவிட்டு காஞ்சு கெடுக்குதே....மழை பேஞ்சும் கெடுக்குதேனா எப்படி?
@ Balaji saravana : -):, செய்வோம்.
@ LK : ஆமாங்க....வெட்டிய கெணத்த காணோம்னு வடிவேல் புகார் கொடுத்த மாதிரி நட்ட மரத்த காணோம்னு சொன்னாலும் சொல்வாங்க....
@ Chitra :நன்றி.
@ கோமாளி செல்வா :நன்றி.
@ கோவை2தில்லி :நன்றி.
@ ஹேமா : அதான் தெரியலைங்க...
@ பால் [Paul] : நன்றி
@ VELU.G : நன்றி
@ ஜெய்லானி & மரா :ரொம்ப நாளைக்கப்புறமா வந்திருக்கீங்க...வருகைக்கும் கருத்துக்கும் நன்றி.
மனதை கணக்கச் செய்து விட்ட வரிகள்.
நல்ல கருத்து. யோசிக்க வேண்டிய விசயம்
இப்படியோர் சட்டம்
இயற்றினால் என்ன ?
"இருமரம் நட்டபின்
ஒருமரம் வெட்டலாம்!"
அருமையான யோசனைதான்.ஆனா,யாருங்கண்ணே சட்டத்த மதிக்கறாங்க..?!
//இப்படியோர் சட்டம்
இயற்றினால் என்ன ?
"இருமரம் நட்டபின்
ஒருமரம் வெட்டலாம்!"
//
நல்ல யோசனை. ஆனால் இப்போதெல்லாம் சட்டத்தைத் தான் முதலில் வெட்டுகிறார்களே...
கவிதை அருமை.
சமூக சிந்தனையுடன் கவிதை - நன்று!
தனமாகிப் போனதனால் -
என்ற இடம் தப்பு. தனம் என்பது நல்லபடியான செல்வங்களைக் குறிப்பது என்று நினைக்கின்றேன்.
மற்றுமொருமுறை சரி பாருங்கள்
கருப்பசாமி
மிக அருமை கலாநேசன்..
இப்படியோர் சட்டம்
இயற்றினால் என்ன ?
"இருமரம் நட்டபின்
ஒருமரம் வெட்டலாம்!"
very nice lines...
சிந்திக்க வைக்கும் கவிதை.. அருமை..
ஜோதிஜி : நன்றி
உயிரோடை : ஆமாங்க...
சேலம் தேவா : நாம மதிக்கலாமே...
பாரத்... பாரதி...: நன்றி
தேவன் மாயம் : நன்றி
@ கருப்பசாமி : தனந்தரும் கல்விதரும்...ன்னு அபிராமி பட்டர் பாடினதும் எனக்குத் தெரிந்த தனலட்சுமியையும் பார்க்கும் போது நீங்கள் சொல்வது சரியென்றே படுகிறது. அதனால்
"தனமாகிப் போனதனால்" என்பதை "பணமாகிப் போனதனால்"என்று மாற்றுகிறேன்.
@ தேனம்மை லெக்ஷ்மணன் : நன்றி
@ Tamil cinema : நன்றி
@ பிரஷா : நன்றி
பணமும் பணத்தின் அருமையும்
மரமும் மரத்தின் கிளையில் அமர்ந்த மைனாவும்
எது பிடிக்கின்றது இந்நாளில்
மரம் தான்
கருத்துரையிடுக