- நான் மாதக்கணக்கில் ஏன் சில வருடங்களாய் கூட ஒரு விஷயத்தை யோசிக்கிறேன். 99 முறை என் முடிவுகள் தவறானவை. ஆனால் 100 வது முறை நான் எடுக்கும் முடிவு சரியானது - ஐன்ஸ்டீன்.
- மிக அரிதாய் பூமியில் கிடைக்கும் கதிரியக்கக் கனிமம் பெர்ரியத்தின் அணு எண் 100
- நீரின் கொதிநிலை 100°C
- அமெரிக்க மக்களவை (ஒவ்வொரு ஸ்டேட்டுக்கும் தலா இரண்டு என)100 செனேட்டர்கள் கொண்டது.
- கிரீஸ், இஸ்ரேல் மற்றும் இந்தியாவில் அவசர போலிஸ் எண் 100
- அமெரிக்க கால்பந்தாட்ட மைதானத்தின் நீளம் 100 யார்ட்.
- 100 மீட்டர் உயரத்திலிருந்து விழுந்தாலும் அணிலுக்கு அடி படாது.
- பூனைகள் 100 விதமாய் ஒலியெழுப்பும்.
- மின்னல் சுமார் 100 கிலோமீட்டர் தூரத்துக்குத் தெரியும்.
- உலகிலேயே நீளமான மகிழுந்து 100 அடி நீளமுள்ளது. இதில் நீச்சல் குளமும் நீர்ப்படுக்கையும் உண்டு.
- இந்தியாவில் நில மதிப்பீட்டுமுறை கி.மு.100 ல் இருந்தே உள்ளதாம்.
- எஸ்கிமோக்கள் மொழியில் பனிக்கட்டிக்கு 100 க்கும் அதிகமான வார்த்தைகள் உள்ளதாம்.
- வரலாற்றில் 100 வருடப்போர் என குறிப்பிடப்படும் இங்கிலாந்துக்கும் பிரான்சுக்கும் இடையேயான போர் துவங்கிய வருடம் 1336
- 100 குவாட்டர் = 25 Full
- 13+23+33+43=100நான் என்ன சொல்ல வரேன்னு உங்க எல்லோருக்கும் தெரிந்திருக்கும். ஆமாங்க எனக்குக்கூட 100 பின்தொடரும் நண்பர்கள் கிடைச்சிருக்காங்க. தொடர்ந்து எழுதாமல் சராசரியாக வாரம் ஒரு பதிவென சுமார் 50 பதிவுகளே எழுதியுள்ள எனக்கு இது கூடுதல் மகிழ்வைத் தருகிறது. உங்கள் ஒவ்வொருவரின் ஆதரவிற்கும் மிக்க நன்றி.
செவ்வாய், 4 ஜனவரி, 2011
100
Labels:
பதிவுலகம்
சனி, 1 ஜனவரி, 2011
பு(ன்ன)கைப்படம்
கொஞ்சமாய்த் தெரியும்
மஞ்சள் சூரியன்
பிஞ்சுக் குழந்தையின்
பஞ்சுநிகர்ப் பாதங்கள்.
நினைத்ததைக் காட்டும்
நீலவானக் கண்ணாடி.
விமானப் பயணத்தில்
வெளியேத் தெரியும் வெளி.
திரையிட்டு மறைத்தாலும்
தெரிகின்ற கண்கள்.
நுரையிட்டு நம்காலை
நுகர்கின்ற அலை.
கால்தடப் பொட்டுவைத்து
கரையிடும் கோலம்.
திருமண தினத்தின்
தித்திக்கும் நிமிடங்கள்.
இருவயது மகளின்
அறுசுவைக் குறும்புகள்.
உள்ளங்கையில் தாஜ்மகால்
உச்சந்தலையில் குதுப்மினார்
பச்சைவயற் பயிர்கள்
பறக்கின்ற உயிர்கள்
மொட்டை மாடியில்
முளைத்த மரம்.
இப்படி எனக்குப்
பிடித்த படங்களும்- நான்
பிடித்த படங்களும்
ஏராளம் இருந்தாலும்...
கரும்பு தினமொன்றில்
விரும்புவதைச்சொல்லிவிட்டு - நீ
புன்னகையில் வெட்கம்கலந்தோர்
புதுப்பார்வை பார்த்தாயே
அந்நொடியை படம்பிடித்து
உள்ளத்தில் மாட்டியுள்ளேன்
உயிராணி துணைகொண்டு...
இன்னல் வரும்போது
இருவிழி மூடியுன்
புன்னகையைப் பார்த்தாலே
புதுத்தெம்பு கிடைக்குதடி.
போகுதடித் துன்பமெல்லாம்
போனதிசை தெரியாமல்...
மஞ்சள் சூரியன்
பிஞ்சுக் குழந்தையின்
பஞ்சுநிகர்ப் பாதங்கள்.
நினைத்ததைக் காட்டும்
நீலவானக் கண்ணாடி.
விமானப் பயணத்தில்
வெளியேத் தெரியும் வெளி.
திரையிட்டு மறைத்தாலும்
தெரிகின்ற கண்கள்.
நுரையிட்டு நம்காலை
நுகர்கின்ற அலை.
கால்தடப் பொட்டுவைத்து
கரையிடும் கோலம்.
திருமண தினத்தின்
தித்திக்கும் நிமிடங்கள்.
இருவயது மகளின்
அறுசுவைக் குறும்புகள்.
உள்ளங்கையில் தாஜ்மகால்
உச்சந்தலையில் குதுப்மினார்
பச்சைவயற் பயிர்கள்
பறக்கின்ற உயிர்கள்
மொட்டை மாடியில்
முளைத்த மரம்.
இப்படி எனக்குப்
பிடித்த படங்களும்- நான்
பிடித்த படங்களும்
ஏராளம் இருந்தாலும்...
கரும்பு தினமொன்றில்
விரும்புவதைச்சொல்லிவிட்டு - நீ
புன்னகையில் வெட்கம்கலந்தோர்
புதுப்பார்வை பார்த்தாயே
அந்நொடியை படம்பிடித்து
உள்ளத்தில் மாட்டியுள்ளேன்
உயிராணி துணைகொண்டு...
இன்னல் வரும்போது
இருவிழி மூடியுன்
புன்னகையைப் பார்த்தாலே
புதுத்தெம்பு கிடைக்குதடி.
போகுதடித் துன்பமெல்லாம்
போனதிசை தெரியாமல்...
வெள்ளி, 31 டிசம்பர், 2010
புத்தாண்டு வாழ்த்துக்கள்
1-1-11 எனத்துவங்கும் இவ்வருடம் அனைவருக்கும் முதல் தரமாய் அமைய வாழ்த்துக்கள். வெறுங்கையில் வாழ்த்து சொன்னா எப்படி? இந்தாங்க... பிடிங்க பூங்கொத்து.
ஒரு சாமியார் செத்து சொர்கத்துக்குப் போனாராம். சொர்க்க வாசல் வரிசையில் (அங்கயுமா?) அவருக்கு முன்னாடி நம்ம ஆட்டோ ஓட்டுனர் மாணிக்கம் நின்று இருந்தாராம். நம்ம மாணிக்கத்தை பட்டு வேட்டி, வைரமாலை தந்து சொர்கத்தில் வரவேற்றார்கள். ஆனால் சாமியாரை நூல் வேட்டி மட்டும் கொடுத்து உள்ளே போகச் சொன்னாங்களாம். கடுப்பான சாமியார், "சாதாரண ஆட்டோ ஓட்டுனருக்கு ராஜமரியாதை. அனுதினமும் கடவுளையே நினைத்துப் பாடிக்கொண்டிருந்த எனக்கு இது தானா?" என்று சித்திரகுப்தன்கிட்ட கோவமாக் கேட்டாராம்.
நீ பாட்டுப் பாடி மக்களை தூங்க வச்ச, ஆனா இவர் வேகமா ஆட்டோ ஓட்டி கடவுளை அடிக்கடி நினைக்க வச்சார்னு சொன்னாங்களாம். இதன் மூலம் நாம தெரிஞ்சிக்க வேண்டியது என்னன்னா, யார் என்ன நிலையில் (Position) இருகிறாங்க அப்படிங்கறது முக்கியம் இல்லை என்ன பண்றாங்க (Performance) தான் முக்கியம்.
உங்கள் இலக்கைத் தெளிவாக்கிக் கொள்ளுங்கள். அதை நோக்கி கொஞ்சம் கொஞ்சமாய் முன்னேறுங்கள். வெற்றி நிச்சயம்.
21 வருடங்களுக்கு முன்னர் பாட்டி வீட்ல இப்படி உட்கார்ந்து இருந்தவர்தான்....
இன்று உலகின் அதிகாரம் மிக்க நாற்காலியில் உட்கார்ந்து இருக்கார்.
இனிய நினைவுகளை
இதயத்தில் விதைத்து
இனிதே விடைபெறுகிறது
இரண்டாயிரத்துப் பத்து.
பதிவுல நட்புகளுக்கு என் மனமார்ந்த புத்தாண்டு வாழ்த்துக்கள்.
ஒரு சாமியார் செத்து சொர்கத்துக்குப் போனாராம். சொர்க்க வாசல் வரிசையில் (அங்கயுமா?) அவருக்கு முன்னாடி நம்ம ஆட்டோ ஓட்டுனர் மாணிக்கம் நின்று இருந்தாராம். நம்ம மாணிக்கத்தை பட்டு வேட்டி, வைரமாலை தந்து சொர்கத்தில் வரவேற்றார்கள். ஆனால் சாமியாரை நூல் வேட்டி மட்டும் கொடுத்து உள்ளே போகச் சொன்னாங்களாம். கடுப்பான சாமியார், "சாதாரண ஆட்டோ ஓட்டுனருக்கு ராஜமரியாதை. அனுதினமும் கடவுளையே நினைத்துப் பாடிக்கொண்டிருந்த எனக்கு இது தானா?" என்று சித்திரகுப்தன்கிட்ட கோவமாக் கேட்டாராம்.
நீ பாட்டுப் பாடி மக்களை தூங்க வச்ச, ஆனா இவர் வேகமா ஆட்டோ ஓட்டி கடவுளை அடிக்கடி நினைக்க வச்சார்னு சொன்னாங்களாம். இதன் மூலம் நாம தெரிஞ்சிக்க வேண்டியது என்னன்னா, யார் என்ன நிலையில் (Position) இருகிறாங்க அப்படிங்கறது முக்கியம் இல்லை என்ன பண்றாங்க (Performance) தான் முக்கியம்.
உங்கள் இலக்கைத் தெளிவாக்கிக் கொள்ளுங்கள். அதை நோக்கி கொஞ்சம் கொஞ்சமாய் முன்னேறுங்கள். வெற்றி நிச்சயம்.
21 வருடங்களுக்கு முன்னர் பாட்டி வீட்ல இப்படி உட்கார்ந்து இருந்தவர்தான்....
இன்று உலகின் அதிகாரம் மிக்க நாற்காலியில் உட்கார்ந்து இருக்கார்.
இனிய நினைவுகளை
இதயத்தில் விதைத்து
இனிதே விடைபெறுகிறது
இரண்டாயிரத்துப் பத்து.
பதிவுல நட்புகளுக்கு என் மனமார்ந்த புத்தாண்டு வாழ்த்துக்கள்.
Labels:
வாழ்த்து
ஞாயிறு, 26 டிசம்பர், 2010
பெயரில் என்ன இருக்கிறது?
ஒரு ஊர்ல, அதாவது கர்நாடக மாநிலம் கொப்பால் மாவட்டத்தில் உள்ள குனள்ளி (Gunalli) என்னும் ஊரில் இருக்கும் அத்தனை பேருக்கும் ஒரே பெயர் தான். சாதி,மதம்,தொழில் என பெயரில் எந்த வித்தியாசமும் இல்லை. செல்லப்பெயர், பட்டப்பெயர், குடும்பப்பெயர் என எதுவுமே கிடையாது. ஆண்கள் எல்லோரும் க்யானப்பா (Gyanappa) பெண்கள் எல்லோரும் க்யானவ்வா (Gyanavva) அவ்வளவுதான் வேறு பெயரே கிடையாது. குடும்பத்தில் குழப்பம் வராமலிருக்க பெரியவர்களை தோடா க்யானப்பா & தோடா க்யானவ்வா என்றும் சிறியவர்களை சிக்க க்யானப்பா & சிக்க க்யானவ்வா என்றும் அழைக்கிறார்கள்.
சுமார் 200 குடும்பங்கள் வசிக்கும் இக்கிராமத்தில் பெயரினால் என்னென்ன குழப்பங்கள் வரும் என்று ஒரு கற்பனை (இது நிஜத்திலும் நடக்கலாம்)
- யாரைவது நீங்க பார்க்கப்போனால் எப்படித் தேடுவீர்கள்? இங்க க்யானப்பா வீடு எங்க இருக்குன்னு கேப்பிங்களா? அப்படிக் கேட்டால் உங்களை பார்வையிலேயே எரிக்கலாம் வழிசொல்லும் க்யானப்பா.
- இந்த ஊர் பள்ளிக்கூடத்தில் அட்டனன்ஸ் எப்படி எடுப்பாங்க?
- இந்த ஊரில் போஸ்ட்மேனாக வேலை கிடைத்தால் சந்தோசப்படுவீர்களா?
- இங்கு போட்டிகள் நடத்தத் தேவையே இருக்காது. ஏன்னா எப்போதும் எல்லா பரிசுகளும் க்யானப்பா & க்யானம்மாவிற்கே கிடைக்கும்.
- வீட்டில் மகளைத் திட்டுவது போல மாமியாரைத் திட்டலாம் மருமகள்.
- மூத்தவர் தோடா சின்னவர் சிக்கா. அப்ப நடுவில் இருப்பவர்களை எப்படி வேறுபடுத்துவது?
- இந்த ஊரில் கல்யாணப் பத்திரிக்கை எப்படி இருக்கும்?
அடபோங்கப்பா. சரி இந்த பெயர் எப்படி வந்தது?
பலநூறு ஆண்டுகளுக்கு முன் க்யானேஷ்வர் என்னும் சாமியார் வாழ்ந்தாராம். அவர் இக்கிராமத்தை ஒரு பேரழிவில் இருந்து காப்பாற்றியதற்கு நன்றிசொல்லவே இப்படி பெயர் வைக்கிறார்களாம். வேறு பெயர் வைத்தால் இந்த கிராமத்திற்கு கெட்ட சக்திகளால் தீங்கு வருமென்று இன்னும் நம்புகிறார்கள் இக்கிராம மக்கள்.
இப்படி ஒரு விசயத்தில் கிராமமே ஒற்றுமையாய் இருக்கிறதே! இதே போல மரம் வளர்ப்பு, மழைநீர் சேமிப்பு, மனிதநேயம், மருத்துவ விழிப்புணர்வு போன்ற விசயங்களில் நம்மக்கள் ஒற்றுமை காட்டினால் எவ்வளவு நன்றாக இருக்கும்.
Labels:
சமூகம்
வியாழன், 23 டிசம்பர், 2010
வானவில் மனிதர்கள்
அமுதத்தமிழ் கடலின்
அலைகளில் விளையாடும்
சிறுவன் நான்.
விரைவில் பயில்வேன்
இலக்கண நீச்சல் - பின்
விலகிப் போகும்
"செய்யுள்" காய்ச்சல்.
இணையத்திரை வானில்
இனிக்கும் நட்புகளே -நீங்களென்னை
வாழ்த்தி வளர்க்கும்
வானவில் மனிதர்கள்.
பனித்துளி கவிதைகளை
பகலவன் என்றுசொல்லி
பாராட்டி பாராட்டி
பதிவெழுத வைப்பவர்கள்.
தொடர்ந்து படிக்கும்
தொண்ணூறு பேருக்கும்
நடுநடுவே வந்து
நல்வாழ்த்து சொல்வோருக்கும்
நன்றி...நன்றி!
அலைகளில் விளையாடும்
சிறுவன் நான்.
விரைவில் பயில்வேன்
இலக்கண நீச்சல் - பின்
விலகிப் போகும்
"செய்யுள்" காய்ச்சல்.
இணையத்திரை வானில்
இனிக்கும் நட்புகளே -நீங்களென்னை
வாழ்த்தி வளர்க்கும்
வானவில் மனிதர்கள்.
பனித்துளி கவிதைகளை
பகலவன் என்றுசொல்லி
பாராட்டி பாராட்டி
பதிவெழுத வைப்பவர்கள்.
தொடர்ந்து படிக்கும்
தொண்ணூறு பேருக்கும்
நடுநடுவே வந்து
நல்வாழ்த்து சொல்வோருக்கும்
நன்றி...நன்றி!
Labels:
கவிதை
வெள்ளி, 17 டிசம்பர், 2010
கானம் மறந்த குயில்
சிட்டுக் குருவிகள் பல
வட்டமிட்ட இடத்தில்
கட்டிடங்கள் மட்டும்
கூட்டம் கூட்டமாய்...
இலக்கியங்கள் யாவையும்
இலைகளில் இயற்றிய இனமின்று
கிறுக்கிப் பார்க்கும் தாள்களுக்காய்
கிளைகள் பல ஒடிக்கின்றோம்.
கதவு மேசை நாற்காலி
கைத்தடி காகிதம் கட்டிலென
வெட்டும் தேவையோ தீராது
வேறென்ன செய்வது சிந்திப்போம்.
இப்படியோர் சட்டம்
இயற்றினால் என்ன ?
"இருமரம் நட்டபின்
ஒருமரம் வெட்டலாம்!"
கணிணியில் கவியெழுதிக்
கதவைத் திறந்தால்
இணையக் கம்பியில்
இருகுயில் கண்டேன்.
வனமெல்லாம் பொலிவிழந்து
பணமாகிப் போனதனால்
கட்டிடத்தில் வசிக்கிறதோ
கானம் மறந்த குயிலின்று....
Labels:
கவிதை
சனி, 11 டிசம்பர், 2010
மீட்டாத வீணைகள்
மன-பாடம் கற்றுத்தரும்
கல்வியின்று வெறும்
மனப்பாடம் மட்டுமே
சொல்லிக் கொடுக்கிறது.
இன்றைய ராமன்களுக்கு
திரையரங்கில் மட்டுமே
தெரிகிறது ஒளிக்கற்றை.
ராமானுஜம் படிப்பதோ
பணக்கணக்கு மட்டுமே.
படிப்புத் திட்டத்தால்
பயம் வளருமளவு
சுயம் வளர்வதில்லை.
பயன்படுத்தப் படாமலேயே
பழையதாகிப் போகின்றன
இளம்ஞான வீணைகள்.
அறிவின் துணையின்றி - வெறும்
அகவையின் துணைகொண்டே
"பெரியவர்" ஆகிறோம் நாம்.
நடைமுறைக் கல்வியை
நவிலாத படிப்பே
நடைமுறையில் உள்ளது.
பாடத்திட்டங்கள்
புத்தகச்சுமை கூட்டினவேயன்றி
புத்திக்கு சுவை காட்டவில்லை.
முக்கால் கிணறு தாண்டவே
சொல்லிக் கொடுக்கிறது
மெக்கல்லோ.
இன்று
வியாபாரிகள் மட்டுமே
கல்வித் தந்தைகளாகி
விற்பனை செய்வதால்
விறகுக் கட்டையாகிறது
வெண்கமலக்காரியின்
வீணை.
கல்வியின்று வெறும்
மனப்பாடம் மட்டுமே
சொல்லிக் கொடுக்கிறது.
இன்றைய ராமன்களுக்கு
திரையரங்கில் மட்டுமே
தெரிகிறது ஒளிக்கற்றை.
ராமானுஜம் படிப்பதோ
பணக்கணக்கு மட்டுமே.
படிப்புத் திட்டத்தால்
பயம் வளருமளவு
சுயம் வளர்வதில்லை.
பயன்படுத்தப் படாமலேயே
பழையதாகிப் போகின்றன
இளம்ஞான வீணைகள்.
அறிவின் துணையின்றி - வெறும்
அகவையின் துணைகொண்டே
"பெரியவர்" ஆகிறோம் நாம்.
நடைமுறைக் கல்வியை
நவிலாத படிப்பே
நடைமுறையில் உள்ளது.
பாடத்திட்டங்கள்
புத்தகச்சுமை கூட்டினவேயன்றி
புத்திக்கு சுவை காட்டவில்லை.
முக்கால் கிணறு தாண்டவே
சொல்லிக் கொடுக்கிறது
மெக்கல்லோ.
இன்று
வியாபாரிகள் மட்டுமே
கல்வித் தந்தைகளாகி
விற்பனை செய்வதால்
விறகுக் கட்டையாகிறது
வெண்கமலக்காரியின்
வீணை.
இதற்கு குழுசேர்:
இடுகைகள் (Atom)
Quote
Blog Archive
-
►
2011
(58)
- ► செப்டம்பர் (4)
-
►
2010
(47)
- ► செப்டம்பர் (5)










